Гъэтхапэм и 10-м, Адыгэ РеспубликэмкIэ, республикэм иконституцие имафэу агъэнэфагъ. Ащ фэдэу щытынахь мышIэми, а мафэр игъэкIотыгъэу хагъэунэфыкIырэп ыкIи тегущыIэхэрэп.
Тыгъасэ а мафэр шъэфэу благъэкIыгъ. КIо, Адыгэ Республикэм илIышъхьэу КъумпIыл Муратэ джэпсалъэ къишIыгъ урысыбзэкIэ тхыгъэу - adygheya.ru, ау АдэкIэ, тв-хэм, радиохэм, гъазетхэм, къатхыгъэ гъэшIэгъони щымыIэу, шъэфэу а мафэр благъэкIыгъ.
Хьыкумэтым епхыгъэхэм язакъоп мы мафэр Iэпэдэлэлэу зишIыгъэхэр, Адыгэ лъэпкъ Iофхэм тыпылъ зиIохэрэри ары. Джащ фэдэу хэхэсым щыIэ Адыгэхэми мы мафэр благъэкIыгъ.
Адыгэ Республикэм иконституцие апэрэ Iоф шъхьаIэу Адыгэ лъэпкъым ипэ итыр ары, сыда пIомэ, ар Адыгэ лъэпкъым Iоф (проблемэ) шъхьаIэу иIэхэр зэшIопхыным пае лъапсэу афэхъу ыкIи ащ тыфэмысакъымэ, Урысые-ФедерациемкIи, ДунаемкIэ Адыгэ лъэпкъым лъытэныгъэ къыфашIыщтэп. Лъытэныгъэ къыпфамышIымэ Адыгэмэ яIофхэр нахь дэй хъущт сыд фэдэ лъэныкъокIи.
Адыгэ Республикэм иконституцие илъэс 25 къыкIоцI бэ хагъэкIыгъэр, а хагъэкIыгъэ пстэуми республикэм фитыныгъэу иIэхэр нахь макIэу ышIыгъэх. Ау, ар, ащ фэдэу хъугъэнахь мышIэми джыри конституцием кIуачIэшхо иI.
Тыгъуасэ, Адыгэ Республикэм иконституцие тызэрэдезэкIуагъэр тапэкIэ тгъэтэрэзыжьынэу къыттелъ ыкIи тыда щыIэ Адыги, орэхэку орэхэхэс конституциер агъэлъэпIэнэу ателъ.
Адыгэ Республикэм иконституцие, республикэм ипарламент исайт ит. Ащ уеплъынэу уфаемэ мы зэпхыныгъэм теIункI: gshra.ru
Comments
Post a Comment