Темрезов Рашид, КъумпIыл Мурат, КIокIо Казбек, мыщ фэдэ уахътэм 20.10.2018 Мыекъуапэ щызэIукIэгъагъэх
Мафэ заулэ ипэкIэ Къэбэртае-Бэлкъар Республикэм итхьэматэу КIокIо Казбек республикэм ипарламент тхылъ чIилъхьагъ. Ащ зэритымкIэ Къэбэртае-Бэлкъарымрэ ипшъэрэ Осетиемрэ яэкономикэ, кулътырэ ыкIи нэмыкI лъэныкъохэмкIэ зэгурыIоныгъэ тхылъ зэдряIэным фэгъэхьыгъэ закон къыдагъэкIынэу ары.
Мы республиктIур зэгъунэгъух ыкIи мыщ фэдэ зэгурыIоныгъэхэр дэгъу ау сыда мыщ фэдэу Адыгэ Республикэмрэ Къэбэртае-Бэлкъарымрэ зэгурыIоныгъэ тхылъ зэдрямыI. Зы лъэпкъэу тыщытмэ, зы бзэмэ тиIэр, зы хабзэмэ тиIэр, сыд тыкъэзыгъэуцурэр. Хьэу, зыгорэхэм къыуаIощт, мары Iофгорэхэр зэдашIэх. Тыда щыIэх а зэдашIэрэ Iофхэр. Сыда къэмылъагъохэрэ.
Адыгэ Республикэм илIышъхьэу КъумпIыл Мурат республикэм итхьэматэу къызыхадзым заулэрэ КIокIо Казбек IукIагъ ыкIи Къэрэщай-Черкес Республикэм итхьэматэу Темрезов Рашид IукIагъ. Ау зэгурыIоныгъэ тхылъ зыфэпIощтым фэдэ чIадзагъэу тшIэрэп.
КIэкIэу къэпIощтмэ, зэкъощ республикищэр: Адыгэ Республикэр, Къэбэртае-Бэлкъар Республикэр ыкIи Къэрэщай-Черкес Республикэр нахь лъэщэу Iоф зэдашIэн фае ыкIи лъэныкъо пстэумкIи зэгурыIоныгъэ тхылъхэр зэдряIэнэу щыт.
Comments
Post a Comment