Коронавирусым къыхэкIэу IэпыIэгъу зищыкIагъэхэм афытегъэпсыхьэгъэ зичэзыу шIушIэ Iофтхьабзэ Адыгэ Республикэм щаублагъ. Ащ кIэщакIоу фэхъугъэр Адыгэ Республикэм и ЛIышъхьэу КъумпIыл Мурат.
Iофтхьабзэм къыдыхэлъытагъэу, мыбюджет мылъкукIэ гъомылэпхъэ Iалъмэкъ мин 23,5-рэ фэдизэу ашIыгъэхэр зигъот мэкIэ унагъохэм, сэкъатныгъэ зиIэхэм, узым изэрар анахьэу зэкIыгъэхэм афагощыщтых.
Непэ цIыфыбэхэр щыIэныгъэм чIыпIэ къин ригъэуцуагъэх. Мы уахътэм амалэу щыIэм елъытыгъэу ахэм IэпыIэгъу ягъэгъотыгъэн фае,- къыIуагъ Адыгэ Республикэм и ЛIышъхьэ.