Коронавирусым пэшIуекIогъэнымкIэ республикэм щызэрахьэхэрэм, анахьэу анаIэ зытырадзэрэ лъэныкъохэм, непэрэ мафэм ехъулIэу Iофхэм язытет зыфэдэм къытегущыIагъ Адыгэ Республикэм псауныгъэр къэухъумэгъэнымкIэ иминистрэу Мэрэтыкъо Рустем.
Ащ къызэриIуагъэмкIэ, непэрэ мафэм ехъулIэу нэбгырэ 26-рэ сымэджэщым чIэлъых, ахэм ащыщэу нэбгыри 8-мэ узыр къапыхьэгъэн ылъэкIыщтэу ягуцафэх. Москва агъэхьыгъэ анализхэм язэфэхьысыжьхэм къызэрагъэлъэгъуагъэмкIэ, республикэм щыпсэурэ нэбгыриплIымэ коронавирусыр апылъ.
– Мы зэпахырэ узым зимыушъомбгъуным фэшI ищыкIэгъэ медицинэ оборудованиер инфекционнэ сымэджэщым Iэ- кIэлъ, ищыкIагъэ хъумэ, нэмыкI учреждениехэм зафэтэгъазэ. Мы гумэкIыгъом пэшIуекIогъэным фэшI Адыгеим иIэпэчIэ- гъэнэ фонд къыхэхыгъэ мылъкур дгъэфедэщт. Федеральнэ гупчэм къикIыщт ахъщэ IэпыIэгъури шIэхэу къытIукIэщт, – къыIуагъ Мэрэтыкъо Рустем.
Министрэм къызэрэхигъэщыгъэмкIэ, Iофхэм язытет ыгъэгумэкIыхэу «линие плъырым» цIыфыбэ къытео. УзэрэзекIон фаер ахэм къафаIуатэ. Мыщ дэжьым анахь шъхьаIэр шъуиунэ шъуисыныр ары. Гуцафэ горэ шъушIыгъэмэ, уз-IэзакIом (врачым) телефонымкIэ шъуфытеу, ар шъуадэжь къэкIонышъ, анализхэр шъуIихыщтых.
Джащ фэдэу, ищыкIагъэ хъу- мэ, волонтерхэм гъомылапхъэр къышъуфащэщт. Узым пэшIуе- кIогъэным ыкIи ащ зимыушъомбгъуным афэшI УФ-м и Президент къыдигъэкIыгъэ унашъохэр шIокI имыIэу гъэцэкIэгъэнхэм мэхьанэшхо зэриIэр министрэм къыхигъэщыгъ.
Ащ дакIоу, цIыфхэр зыщызэIукIэнхэ алъэкIыщт чIыпIэхэр, транспортыр, нэмыкIхэр санитарнэ обработкэ шIыгъэнхэм ведомствэм ынаIэ тыригъэтыщт.
Коронавирусым епхыгъэу щыкIагъэгорэ щыIэ зыхъукIэ мы телефонхэм шъуатеон шъулъэкIыщт:
Республикэм: 8-800-200-52-59
Федерацием: 8-800-2000-112
Адыгэ Республикэм ипресс къулыкъу
Comments
Post a Comment