Адыгэ Республикэм, коронавирус узым зимыушъомбгъуным пае, мэлылъфэгъум и 3-м, сыхьатэ 23-м щегъэжьагъэу, цIыфхэр унэм къикIыхэу хъущтэп. Джащ фэдэ унашъо (указ) Адыгэ Республикэм илIышъхьэу КъумпIыл Муратэ къыдигъэкIыгъ. (adygtv.ru)
Унашъом зэритымкIэ, унэм къикIын фитхэр уз-Iэзалъэкум (амбуланс) къеджагъэу ядэжь къэкIуагъэм пэгъокIыныр е унэм зы щынагъогорэ къыщыхъумэ. Ащ нэмыкIэу, иIофшIапIэ кIон фаехэм, унэм къикIын фитэу тхьапэ ыIыгъэн фае (ар хьыкумэтым къыритыщт). Ащ нэмыкIэу, уц-щапIэ (оптека), щхын-щапIэ ыкIи хэкIхэр зыщаугъоирэ чIыпIэм кIон ылъэкIыщт ау ар зыщыпсэурэ унэм метрэ 100-м нахь чъыжьэу хъущтэп.
Адыгэ Республикэм, мэлылъфэгъум и 3-м нэс, коронавирусыр пылъэу нэбгри 5 агъэнэфагъ. Джыри нэбгрэ 17-м егуцафэх, уплъэкIунхэр афашIых.
Адыгэ хэкум инэмыкI шъолъырхэмкIэ узыр къызпыхьагъэхэм япчъыгъэ мыщ фэд:
Краснодар шъолъыр: 39
Къэбэртае-Бэлкъар: 8
Ставрополь шъолъыр: 11
Къэрэщай-Черкес РеспубликэмкIэ узыр зыми къыпыхьагъэп.
Comments
Post a Comment