25.04.2020 - Мыекъуапэ
Непэ мэфэкl дахэ хэтэгъэунэфыкIы - Адыгэ Республикэм икъэралыгъо быракъ имаф.
Плlэнэбз уцышъом щэбзищ щызэблэдзыгъ, жъогъо пшlыкlутlур ахэмэ ашъхьагъ ыкlи зэкlэ адыгэхэм тызщыпсэурэ чlыпlэм емылъытыгъэу тилъэпкъ тамыгъ.
Тибыракъ тарихъ бай пылъ, лlэшlэгъухэм къахэкlи къытэнэсыжьыгъ. Тятэжъхэм ялlыблэнагъэ ишыхьат, непэрэ гъэхъагъэхэм тигъогогъу. Хэку гупсэм, лъэпкъым апае гушхоныгъэ тибыракъ къытхелъхьэ.
Блэкlыгъэм ыкlи неущрэ мафэм адыгэ быракъыр язэпхыныгъ. Илъэс 28 хъугъэу Адыгэ Республикэм икъэралыгъо тамыгъ. Лъэпкъым итарихъ быракъ республикэ тамыгъэу 1992 илъэсым зэраштэгъагъэм тырэгушхо. Сыд фэдэ тихэхъоныгъи, тигъэхъагъи ашъхьагъ щэбыбатэ, сыд фэдэ чlыпlэ тыкlуагъэми тэlэты.
Тиреспубликэ итамыгъэ шъхьаlэхэм ащыщэу тибыракъ Адыгеим ис лъэпкъхэм тапэкIи зыкlыныгъэ къахерэлъхь. Сыд фэдэ лъэныкъокlи хэхъоныгъэхэм ыкlи текlоныгъакlэхэм ренэу таферэщ!
Адыгэ Республикэм илIышъхьэу КъумпIыл Мурат
facebook.com