Бахъсэн щIыналъэм и еджапIэхэм екIуалIэ школакIуэхэм ерыскъыпхъэ зэмылIэужьыгъуэхэмкIэ зыщIагъэкъуэнущ. Апхуэдэ унафэ ищIащ Бахъсэн щIыналъэ администрацэм. АбыкIэ хъыбар дигъэщIащ Бахъсэн щIыналъэм и администрацэм и пресс-IэнатIэм.
ДэIэпыкъуныгъэ зратыну ныбжьыщIэхэм я спискэхэр еджапIэхэм щызэхагъэуващ. Ахэр цIыху 650-рэ мэхъу. Ерыскъыпхъэр школхэм щызэхуахьэс. Иратыну шхынхэм хохьэ шэ, шеймышкIэ дагъэ, фошыгъу, хьэжыгъэ, курпIэ зэмылIэужьыгъуэхэр, псыIэфIрэ IэфIыкIэхэмрэ.
ДэIэпыкъуныгъэр зыхуэгъэзар хэхъуэ мащIэ зиIэ унагъуэхэм ящыщ сабийхэмрэ зи узыншагъэмкIэ сэкъат зиIэхэмрэщ. Коронавирусым епха Iуэхугъуэхэр щыгъэзэщIапхъэ лъэхъэнэ ткIийм къриубыдэу а унагъуэхэм мызэ-мытIэу ядэIэпыкъунущ дяпэкIи.
Жыласэ Маритэ
Адыгэ Псалъэ