ИорданиемкIэ непэ, гъэтхапэм и 21-м, пчъэдыжьым сыхьатэ 07.00-м щегъажьагъэу зэрэхэгъэгоу цIыфхэр яунэмэ арисынхэ фае, къикIыхэу хъущтэп, джащ фэдэу Иорданием ихьыкумэт унашъо къыдигъэкIыгъ ыкIи дзэмрэ полициемрэ мы унашъор тегъэпытэхьыгъэу агъэцIэкIэщт.
Хьыкумэтым щыщхэм къызэраIуагъэмкIэ мыщ фэдэу зыфашIыгъэр цIыфхэр икъоу зэрэзэфэмысакъыжьыхэрэр ары. Мафэ заулэ ипэкIэ Иорданием ипачъэхьэу Абдулахь атIуанэрэм хьыкумэтым фитыныгъэ ритыгъ сыд фэдэ унашъуи къыдигъэкIынэу коронавирусым ебэныным пае.
Гъэтхапэм и 21-м нэс, ИорданиемкIэ коронавирусыр къызпыхьагъэр нэбгрэ 85-рэ мэхъу, зы хъужьыгъ, зи лIагъэп.
Comments
Post a Comment