Хэкум Адыгэмэ республилищ яI: Адыгэ Республикэр, Къэрэщай-Черкесыр, Къэбэртае-Бэлкъарэр. Ахэм апхыгъэу ТВ-хэр, Радиохэр ыкIи гъазетхэр мэлажьэх ыкIи мыхэм уставэу яIэхэм аритхагъ: республикэм щыхъурэ пстэури шъыпкъагъэ хэлъэу къагъэлъэгъон фае, цIыфхэм ягупщысэхэр къагъэлъэгъон фае ыкIи джащ фэдэу джыри бэ аритхагъэр. Ау, ащ тетэу ахэр зекIохэрэп.
А ТВ-Радио-Гъазет-хэм къагъэлъагъорэр хьыкумэтхэм къаIохэрэр ары неIэп. Хьыкумэтхэм зыдыримыгъащтрэ цIыфхэм ягупщысэхэр къагъэлъагъохэрэп. ГущыIэм пае, мары мы мазэм Урысые Федерацием иконституцие зэхъокIыныгъэу фашIыгъэхэм цIыфбэмэ ыкIи зэхэт-купбэмэ а зэхъокIыныгъэхэм зэрэдырамыгъащтэрэр интернетым къыщатхыгъ ау Республикэхэм я ТВ-Радио-Гъазет-хэм ахэм ащыщ зы цIыф нэмыIэми къагъэгущыIагъэп.
Мыщ фэдэ зекIуакIэм орэчыл орэреспублик орэлъэпкъ хэхъоныгъэхэр ышIын ылъэкIыщтэп ыкIи дунаем ыужь къинэщт.
Хэхъоныгъэ щыIэным пае зэфэшъхьаф еплъыкIэхэр щыIэн фае ыкIи ахэр утыкум къыралъхьэнэу фитыныгъэ щыIэн фае. Ащ фэдэу конституцием ытхагъ.
Comments
Post a Comment