Сыд фэдэ парламенти пшъэрылъ ин телъ. Ащ законэу къыдигъэкIыхэрэм цIыфхэм янепэрэ мафи янеущырэ мафи егъэпсы пIоми ухэукъощтэп. Парламентым хэт депутатхэр къызхидзыгъэхэр цIыфхэр арых. Ащ пае цIыфхэми пшъэрылъ ателъ парламентым ышIэхэрэм алъыплъэнхэу.
Адыгэ Республикэм ипарламент тыщтэмэ непэ ащ цIыфхэр лъэплъэха пIомэ иджэуп къэшIэгъуаеп - нахьыбэм инахьыбэр лъыплъэхрэп. Ау а цIыфхэр язакъоу щысхэу зыхъукIэ бэдэдэ мэтхьэусхэх - тищыIакIэ дэгъуп аIоу. Унэм утхьэусхэу уискIэ зи ишIуагъэ къэкIощтэп. ЛIыгъэ цIыфым къизхигъэфэн фае ыкIи хэгъэгум ипарламент е ихьыкумэт ашIэхэрэм афэгъэхьыгъэу цIыфыхэм ягупщысэхэр къаIонэу пшъэрылъ ателъ.
Мыщ ичIэгъ чIэт тхыгъэр интернетым къыхэтхыгъ. Ар неущ Адыгэ Республикэм и Къэралыгъо Совет — Хасэм (парламент) ия 46-рэ зэхэсыгъоу мэзаем и 26-м щыIэщтым фэгъэхьыгъ. (УрысбзэкIэ еплъынэу фаем мыщкIэ кIон илъэкIыщт: gshra.ru)
Зэхэсыгъом зыщахэплъэщтхэм мыщ къыкIэлъыкIорэ Iофыгъохэр ахагъэхьагъэх:
- Адыгэ Республикэм изаконхэу «ЧIыгу Iахь заулэмэ ягъунапкъэхэм яплан игъэхьазырын тегъэпсыхьэгъэ кадастрэ IофшIэнхэм анахь осэ инэу алъатын алъэкIыщтым ехьылIагъ зыфиIорэм иа 1-рэ статья зэхъокIыныгъэ фэшIыгъэным фэгъэхьыгъ».
- «Социальнэ наймым епхыгъэ зэзэгъыныгъэмкIэ муниципальнэ псэупIэ фондым хэхьэрэ унэхэр зэратынэу зытефэхэрэр гъэнэфэгъэнхэм пае гъот макIэ яIэу цIыфхэр зэралъытэрэ шIыкIэм ехьылIагъ» зыфиIохэрэм зэхъокIыныгъэхэр афэшIыгъэнхэм фэгъэхьыгъэ законопроектхэм» ятIонэрэу ахэплъэгъэныр.
- Законопроектхэу «Псэушъхьэхэм тэрэзэу адэзекIонхэмкIэ Iофыгъо заулэхэм язэшIохын ехьылIагъ».
- «Адыгэ Республикэм и Законэу «Ветеринарием ылъэныкъокIэ Адыгэ Республикэм Iофыгъохэр щызэшIохыгъэным ехьылIагъ» зыфиIорэм иположение заулэмэ кIуачIэ ямыIэжьэу лъытэгъэным фэгъэхьыгъ» зыфиIохэрэм.
- «Адыгэ Республикэм изаконхэу «Адыгэ Республикэм и Законэу «Бюджет Iофхэр Адыгэ Республикэм зэрэщыгъэпсыгъэм ехьылIагъ» зыфиIорэм ия 23-рэ статья ия 4-рэ Iахь».
- «Адыгэ Республикэм изэгъэшIужь хьыкумышIхэм яхьылIагъ».
- «Муниципальнэ образованиеу «Красногвардейскэ районым» муниципальнэ районым истатус фэгъэшъошэгъэным, ащ хэхьащтхэ муниципальнэ образованиехэр зэхэщэгъэнхэм ыкIи ахэм ягъунапкъэхэр гъэнэфэгъэнхэм яхьылIагъ».
- «Гъэсэныгъэ Адыгэ Республикэм зэращарагъэгъотырэм ехьылIагъ».
- «ЧIыгум епхыгъэ Iофхэр гъэтэрэзыгъэнхэм ехьылIагъ».
- «Административнэ хэбзэукъоныгъэхэм яхьылIагъ» зыфиIохэрэм зэхъокIыныгъэхэр афэшIыгъэнхэм афэгъэхьыгъэм» ыкIи нэмыкI Iофыгъохэм апэрэу ахэплъэгъэныр.
Жуковскэм иурам тет унэу N 22-м хэт Залышхоу зэхэсыгъохэр зыщызэхащэхэрэм сыхьатыр 9.00-м ащ иIофшIэн щыригъэжьэщт.
Адыгэ Республикэм и Къэралыгъо Совет — Хасэм и Тхьаматэу Владимир Нарожный.
Comments
Post a Comment