Мы тхыгъэр мазэ заулэ ипэкIэ тисайт къидгъэуцогъагъ. Ащ къегъэлъагъо Адыгэ республикэмкIэ демографие Iофыр зэрэдэйдэдэр ау зыгорэ мы Iофым дэлажьэ пакIуи щымыIахэм фэдэу еплъых. ТегущыIэхэрэп, къатхырэп, зэхахьэхэри ашIырэп. Мы Iофым дэлэжьэнэу апэдэдэу пшъэрылъ зытелъыр Адыгэ республикэм ихьыкумэт ары ыкIи ащ епхыгъэ къулыкъухэр арых. ЦIыфхэми пшъэрылъ ателъ мы Iофыр къаIэтынэу.
Адыгэ РеспубликэмкIэ лIэхэрэм япчъагъэ нахьыб къэхъухэрэм (02.10.2019)
Урысые Федерацием ихьыкумэт епхыгъэу статистикэм дэлажьэрэ къулыкъум исайт (krsdstat.gks.ru) зэритымкIэ 2019-рэ илъэсым, щылэ мазэм щегъэжьагъэу жъоныгъуакIэ мазэм нэс Адыгэ Республикэм цIыф 2507-рэ дунаем ехыжьыгъ, кIэлэцыкIу 1580-рэ къэхъугъ. Мы мазэхэм тефэу, блэкIыгъэ илъэсым 2018-м, цIыф 2377-рэ дунаем ехыжьыгъ, кIэлэцыкIу 1744-рэ къэхъугъ. 2019 илъэсым лIэхэрэм япчъыгъэ нахьыбэ хъугъэ.
Мы пчъагъэхэм къагъэлъагъо лIэн-къэхъун IофымкIэ Адыгэ Республикэм иIоф зэрэдэйер. Дэйим изакъоп, илъэс къэс ар нахь дэй зэрэхъурэр ары гумэкIышхор.
2019 илъэсым, мэкъуогъу мазэм нэс теубытагъэу, Адыгэ Республикэм цIыфэу щыпсэурэм япчъагъэ 457 355 фэдиз мэхъу. Ахэм ащыщэу Адыгэхэм япчъагъэ процент 30-м пэблагъ.
Къэбэртае-Бэлкъар РеспубликэмкIэ 2019-рэ илъэсым, щылэ мазэм щегъэжьагъэу мэлылъфэгъу мазэм нэс, цIыф 1821-рэ дунаем ехыжьыгъ, кIэлэцыкIу 2364-рэ къэхъугъ. Къэбэртае-Бэлкъарым, 2019 илъэсым, мэлылъфэгъу мазэм нэс теубытагъэу цIыфэу щыпсэурэм япчъагъэ 866 605 фэдиз мэхъу. Ахэм ащыщэу Адыгэхэм япчъагъэ процент 60-м пэблагъ. (stavstat.gks.ru)