Урысые Федерацием и Премьер-министрэрэ Адыгэ Республикэм и ЛIышъхьэрэ зэIукIагъэх

Урысые Федерацием и Премьер-министрэу Дмитрий Медведевырэ Адыгэ Республикэм и ЛIышъхьэу КъумпIыл Муратрэ, шэкIогъум и 26-м, Москва щы­зэIукIагъэх.

КъумпIыл Мурат республикэм исоциальнэ-экономикэ Iофхэм язытет, лъэпкъ проектхэр зэрагъэцакIэхэрэм афэгъэхьыгъэу Дмитрий Медведевым фиIотагъ.

Дмитрий Медведев федерацием ихьыкумэт проектхэу игъэнэфагъэхэр республикэмкIэ нахь дэгъоу зэрагъэцэкIэщтым ренэу зэрэдэлэжьэн фаехэр къыIуагъ.