ШэкIогъум и 8-м, Адыгэ Республикэм и лIышъхьэу КъумпIыл Мурат Бахрейн и ЛIыкIоу Урысые Федерацием щыIэ Ахмед Аль-Саати IукIагъ, тапэкIэ Iоф зэрэзэдашIэщтым тегущыIагъэх.
ЗэIукIэгъум ипэублэм хьэкIэ лъапIэхэр республикэм къызэреблэгъагъэхэр зэригуапэр КъумпIыл Мурат къыIуагъ.
— Бахрейн Урысые Федерацием къыпэблэгъэ ыкIи ныбджэгъуныгъэ зэдряI. Ащ тетэу Адыгэ Республикэмрэ Бахрейн хэгъэгумрэ язэпхыныгъэхэр тапэкIи дгъэпытэным тызэрэфэхьазырыр непэрэ зэIукIэгъум къегъэлъагъо, — къыIуагъ КъумпIыл Мурат.
Ахмед Аль-Саати къызэриIуагъэмкIэ, Бахрейн ипачъыхьэ Урысые Федерацием пчъагъэрэ щыIагъ. КъокIыпIэ Благъэм мамырныгъэрэ зыпкъитыныгъэрэ илъынхэм Урысыем иIахьышхо зэрэхэлъыр хигъэунэфыкIыгъ. Ащ дакIоу Адыгэ Республикэми Iоф дашIэным, язэпхыныгъэ агъэпытэным зэрэдэлэжьэщтхэр къыхигъэщыгъ.
Адыгэ Республикэм иэкономикэ къыхалъхьаным, лъэныкъохэм язэфыщытыкIэ агъэпытэным Iоф дашIэщтэу зэдаштагъ.
Къызхэтхыгъэр: adygheya.ru
Comments
Post a Comment