Адыгэ Республикэм и лIышъхьэу КъумпIыл Мурат Тыркуем кIуагъэу щыI. Ащ ехьылIагъэу файсбукум нэкIубгъоу щыриIэм мары къыщитхыгъэр:
Тилъэпкъэгъухэу IэкIыбым щыIэ хъугъэхэм янахьыбэ зыщыпсэурэр Тыркуер ары, ахэм ягугъапIэхэр ятарихъ чIыгужъ епхыгъэх.
Тыркуем сызщеблэгъэгъэ апэрэ мафэм адыгэ общественнэ организациехэу тилъэпкъэгъу миллион пчъагъэу мыщ щыпсэухэрэр зэзыпхыхэрэм ялIыкIохэм саIукIагъ. Мыхэр лIэуж зэфэшъхьафхэм къахэкIыгъэхэу, сэнэхьат зэмлIэужыгъохэм арылажьэхэу, еплъыкIэхэу яIэхэмкIэ зэфэшъхьафхэми, хымэ хэгъэгум яныдэлъфыбзэ, якультурэ къыщаухъумэнхэм, ячIыгу гупсэ зэпхыныгъэ дыряIэным пылъых.
Тэ талъэныкъокIэ тилъэпкъэгъухэм адыгабзэм, адыгэ культурэм, тарихъым язэгъэшIэнкIэ тишIуагъэ ядгъэкIыным тыпылъыщт. Джащ фэдэу урысые-тыркуе зэфыщытыкIэхэм ягъэпытэнкIэ, экономикэ ыкIи инвестиционнэ проектхэр Адыгэ Республикэм щызэдызэшIотхынымкIэ ежьхэри къыддэлэжьэнхэм тыщэгугъы.
Comments
Post a Comment