Зэхэсыгъоу щылэ мазэм и 11 щыlагъэм, Адыгэ Республикэм и Чылагъо Хъыеныгъэу "Адыгэ кlотэныгъэм" и гъэцэкlэкlо куп, упчlэ лаузэмэ ахэплъагъ. Апэрэир, Краснодар агломерациер ары. Мы упчlэм хэтэу рыгущыlэнхэу хъугъэ, сайтэу Коммерсант " Юг России " зыфиlорэм къыхиутыгъэу мыщ фэдэ шъхьэр зиlэр: Зекlо -- зыгъэпсэфыпlэ кластерэу " Зихьием " и гъэпсын Адыгеим щыпэlуагъэхьанэу сомэ млрд 20 - м ехъу. Зэдэгущыlэгъум хэлэжьагъэмэ зэдаштагъ мыр : Краснодар агломерациемрэ ыкlи Зекlо -- зыгъэпсэфыпlэ кластерэу "Зихьиемрэ " я шlын -- зэрзэпхыгъэр.
Зэрзэтекlрэр, аужрэ проектым шъыпъагъэ хэмылъэу хъун ылъэкlыщт. Ащ фэдэу згъэхъурэр, къушъхьэхъоу Лъэгъонакъэ и чlыпlэ Кавказ заповедникым ыкlи Дунаир къэзыуцlухьэрэ чlыопс кlэныжъ зыфаlоу ЮНЕСКОМ -м епхыгъэм зэзэгъыныгъэ дамышlэу, зыгорэхэр рашlыхьэн фитхэп. Ащ фэдэ зэзэгъыныгъэ, непэ къызнэсыгъэм Урысыем и хэбзэ lыгъмэ къыдахышъугъэп.
Гъэцэкlэко купым унашъо ыштагъ, кластер проектыр нахь зэригъэшlэнэу. Нэкlэу щыта е тэрэза, федэ къэкlуапlэу хъумэ, сыда дэгъоу ыкlи дэеу хэлъын ылъэкlыщтыр. Ащ ыуж еплъыкlэу фытиlэри къэдгъэлъэгъон.
Гъэцэкlэко купыр хаплъи, унашъохэр ыштагъ нэмыкl упчlитфыхэмкlи. Ахэм ащыщэу, анахьэу къыхагъэщыгъэр, адыгэ ныпым лъэпкъ зэфэщэ мэхьанэшхо зэриlэр. Ащ нэмыкlэу, лъэпкъ lофмэ, нахь тэрэзэу, лъэпкъ lофым пэуцlужьрэ гущыlэхэу ЛДПР --м и тхьэматэу В. Жириновскэм къышlхэрэм. Ащ нэмыкlэу, екlолlэкlэ зэфэшъхьафхэу пштэн плъэкlыщтхэр, урыс пачъыхьэм и чылыс зэхэтэкъогъэ цlыкlоу, Адыгеим и Мыекъопэ районым итымкlэ.
circassianprogress.blogspot.com
Comments
Post a Comment