Адыгабзэм цIыфхэр зэгъусэхэу акIуачIэ рахьылIэным иуахътэ къэсыгъ


Адыгабзэм дэлажьэхэрэм язэхэсыгъо непэ рагъэкIокIыгъ. ШIэныгъэ зэхэтхэмрэ цIыфхэмрэ зэгъусэхэу акIуачIэ рахьылIэным иуахътэ къэсыгъэу сэлъытэ. Ащ паекIэ, гуманитар ушэтынхэмкIэ республикэ институтым чIыпIэ щагъэпсыным иIоф къэсIэтыгъ. Ащ адыгабзэм изэгъэшIэнкIэ ыкIи иухъумэнкIэ екIолIакIэхэр зэхагъэуцоным щыдэлэжьэщтых.

Зы лъэныкъомкIэ, шIэныгъэ литературэр зытегъэпсыхьагъэн фае къэралыгъо шапхъэхэр щыIэх, адрэмкIэ лъэхъэнакIэм диштэрэ гъэсэныгъэ егъэджэнхэр щыIэх. Ахэр щыIэныгъэм щыпхырыщыгъэнхэу щыт.

Iофыгъо шъхьаIэхэм ащыщ адыгабзэкIэ унагъохэм ыкIи нэмыкI чIыпIэхэм ащыгущыIэгъэнхэ шIыгъэныр. Зэхэфыгъэн фэе Iофэу бэ щыIэр, ахэм зэкIэми тадэлэжьэщт. Урысые Федерацием щыпсэурэ цIыфхэм ялъэпкъыбзэхэм язэгъэшIэнкIэ ыкIи яухъумэнкIэ федеральнэ фондым изэхэщэн мы IофыгъомкIэ IэпыIэгъу хъущт.

Къызхэтхыгъэр: Адыгэ Республикэм и лIышъхьэу КъумпIыл Мурат facebook-м нэкIубгъоу щыриIэм.




Comments