Адыгэ Республикэм и лIышъхьэу КъумпIыл Мурат фасбукым нэкIубгъоу щыриIэм мыщ фэдэу къыщитхыгъ:
Адыгэ Хасэр тихэку иобщественнэ организацие шъхьаIэхэм зэу ащыщ. Мы аужырэ лъэхъаным Адыгэ Хасэм тиреспубликэм ищыIакIэ мэхьанэу щыриIэм нахь зыкъеIэты.
Гъэпсын IофшIэным нахь чанэу хэлажьэ зэрэшIоигъори тинэрылъэгъу. Хасэм итхьаматэу ЛIымыщэкъо Рэмэзан непэ тызыIокIэм адыгэ лъэпкъым мэхьанэшхо зиIэ Iофыгъо макIэп тызынэсыгъэр.
Адыгэхэм ятарихъ изэгъэшIэн, тыбзэ, тикультурэ, тишэн-зэхэтыкIэхэм якъэухъумэн япхыгъэ Iофыгъо пстэуми игъэкIотыгъэу цIыфхэр атегущыIэнхэ фаеу сэлъытэ. Ащ шIэныгъэлэжьхэр, нэжъ-Iужъхэр, чылэхэм ащызэхэщэгъэ Адыгэ Хасэхэм ялIыкIохэр къыхагъэлэжьэнхэ фае.
Зэдедгъаштэу тызэдэлажьэ зыхъукIэ Iоф егъэжьагъэм кIэухэу иIэщтым тигъэрэзэнэу тэгугъэ.
Comments
Post a Comment