2018-рэ илъэсым шэкIогъум и 29-м адыгэ культурэм и Мафэ Адыгэ Республикэ щыхагъэунэфыкIыщт.
Iофтхьабзэм хэлажьэхэрэр сыхьатыр 9.00-м АР-м и Къэралыгъо филармоние щатхыщтых. Адыгэ культурэмкIэ IэшIагъэхэмрэ лъэпкъ Iэпэщысэхэмрэ сыхьатыр 9.00-м къыщегъэжьагъэу 10.30-м нэс мыщ къыщагъэлъэгъощтых. Адыгэ культурэм и Мафэ мэфэкI шIыкIэм тетэу сыхьатыр 10.30-м Къэралыгъо филармонием къыщызэIуахыщт. Театрализованнэ къэгъэлъэгъони мыщ щыкIощт.
Сыхьатыр 13.00-м къыщегъэжьагъэу 14.00-м нэс апэрэ секцием Iоф ышIэщт. «Нарт эпосымрэ адыгэхэм чъыгхэр зэрагъэлъапIэхэрэмрэ» зыфиIорэ къэгъэлъэгъонэу Адыгэ Республикэм и Лъэпкъ музей къыщызэIуахыщтым нэIуасэ зыфашIыщт. Сыхьатыр 14.00-м къыщегъэжьагъэу 15.00-м нэс ятIонэрэ секцием Iоф ышIэщт. Адыгэ цыем тарихъэу пылъым зыщагъэгъозэщт (адыгэ шъуашэхэр къагъэлъэгъощтых).
Адыгэ Республикэм и ЛIышъхьэ зыхэлэжьэщт Iэнэ хъураеу лъэпкъ зэгурыIоныгъэр Адыгэ Республикэм щыгъэпытэгъэнымкIэ къэралыгъомрэ граждан обществэмрэ мэхьанэу яIэм ехьылIагъэр АР-м и Правительствэ зычIэт унэм щызэхащэщт.
Адыгэ Республикэм ипресс къулыкъу
Comments
Post a Comment