Урысие-Федерацием унэ-шIыным имиистрэ, щылэ-мазэм и 26-м, 2016 илъэсым, тхьапэу къыдигъэкIыгъэмкIэ, Урысие-Федерацием зэрэпсаоу телъытагъэу зы унэ метрэ плIэмыем игурыт уасэр мин 36 рубл (562 дулар) мэхъу.
Тхьапэм тетых УФ-м собектэу ит пстэуми уасэу ащыIэхэр. Ахэм анахь лъапIэр къалэу Москвэ. Ащ зы унэ метрэ плIэмыем игурыт уасэр 90.000 рубл мэхъу (1400 дулар).
Адыгэ хэкум изэфэшъхьэф шъолъырхэм зы унэ метрэ плIэмыем ягурыт уасэхэр мыщ фэдэх:
Адыгэ Республикэ: 25.160 рубл (393 дулар)
Къэбэртае-Бэлкъар Республикэ: 27.877 рубл (435 дулар)
Къэрэщай-Черкес Республикэ: 30.000 рубл (468 дулар)
Краснодар Край: 34.835 рубл (544 дулар)
Ставропол Край: 26.065 рубл (407 дулар)
КъэIогъэн фае, тыдэрэз шъолъырым унэ уасэхэр зэтекIын илъэкIыщт. Унэ уасэр агъэнафэ зыхъукIэ лъэныкъуабэ къыдалъытэ, чIыпIэу зэдэщытыр, къалэу е къуаджэу зыдэтыр, унакIа, унэжъа ыкIи нэмыкIхэр.
Comments
Post a Comment