Friday, March 13, 2020

Адыгэ лъэпкъ-Iофлэжьхэм лажьэ ателъэп судым ыIуагъ


Шорман Азаматрэ ЩашIэ Аликрэ

Гъэтхапэм и 13-м, Къэбэртае-Бэлкъар Республикэм щыщ Адыгэ лъэпкъ-Iофлэжьыхэу Шорман Азаматрэ ЩашIэ Аликрэ Налщыч дэт судым лажьэ атемылъэу унашъо ышIыгъ.

Тыгъуасэ, Азаматрэ Аликрэ Урысые Федерацием иконституцие зэхъокIыныгъэхэр зэрэфырашIырэм дырамыгъащтэу зы цIыф закъо зыхэлажьэрэ мырэзэныгъэ зэхахьэ Налщыч щашIыгъ. Ау ахэр зыдэIутыгъэ чIыпIэм полициехэр къыIухьи къагъэуцугъэх ыкIи полицием иунэ ащагъэх упчIэхэр тиI аIуи. Пчъыхьэ тIури къатIупщыжьыгъэх ау полицием дао судым чIилъхьагъ мырэзэныгъэ зэхахьэу ашIыгъэр законым димыщтэу аIуи.

Судым полициехэм адригъэщтагъэп ыкIи унашъо ышIыгъ Азаматрэ Аликрэ законым тетхэу зекIуагъэхэу.


No comments:

Post a Comment